Sajak RAMPAK TONGÉRÉT

RAMPAK TONGÉRÉT

Ku Hernisa A. Nugraha

Ngahuntu ngotéktak kecap

Ngabudah ngaléméréh baham

Ti kidulna masangkeun baliho

Ti kalérna nancebkeun bandéra

Disada réréangan

Paudag-udang jeung sora jangkrik

Paciweuh pating  témbalan

Rawah riwih ngalétakan  ciduh metu

Rampak tongérét

Patarik-tarik nyorowokeun

paisan kosong

Silih umbar

buruh ngotrét

nyeklis dina gambar

Kabuktian ukur saharitaeun

Kabokér  dimangsa kahareupna

Kampanye wakil  kekebul

Ngan ukur rampak tongérét

Di leuweung  geledengan