Sajak CANGKANG URUT SAJARAH

CANGKANG URUT SAJARAH

Ku Hernisa A. Nugraha

Pulas diri méh baé pudar

Ngudar harga ngudar pangajén

Saban poé ukur di jejek

Ditincak ku nu meuli pangabisa

Teu ukur kaseuseup maduna

Lain waé kaala buahna

Raga kiwari ukur cangkangna

Geusan diasaan sari patina

Ayeuna kari ngararasa

Ngeunteung manéh dina panineungan

Baheula tinggal sajarahna

Kahareup tinggal sangsarana

Tunggara jadi sapatu murah

Kalan dibeuli pikeun dipiceun