Sajak HUJAN PEUTING KAMARI

HUJAN PEUTING KAMARI

Ku Hernisa A. Nugraha

Didinya di leubah kulon

Dinapangsurupan diluhureun gunung

Aya méga konéng anu beunta semu sepa

Teu kahontal ku manah

Teu kawawa ku impian

Hayang haté nyaba kana rasana

Layung konéng nu semu hideung

Gumantung di langit pajajaran

Beurat mawa méga nu rék muntah

Miceun harepan keur kahirupan

Mulangkeun rasa kabagja

Meupeuskeun rasa kahéman

Nu di arep-arep

Singhoréng ayeuna datang deui

Sabot diuntuy ku halodo lila

Nyaraclakan dina taneuh nu bareulah

Ku hujan peuting kamari

Ray ngusap peuting nu éndah

Mawa hawa tiis

Nu matak nyecep kana ati